Sign Up Beneficary

CRM ਸਕੀਮ ਦੇ ਦਿਸ਼ਾ ਨਿਰਦੇਸ਼

ਬਿਨੈਕਾਰ ਉਸ ਸ਼੍ਰੇਣੀ ਦੀ ਚੋਣ ਕਰੋ, ਜਿਸ ਵਿੱਚ ਉਹ ਸਬਸਿਡੀ ਲਈ ਅਰਜੀ ਦੇਣਾ ਚਾਹੁੰਦਾ ਹੋਵੇ:-
- ੳ) ਵਿਅਕਤੀਗਤ ਕਿਸਾਨ
- ਅ) ਰਜਿਸਟਰਡ ਕਿਸਾਨ ਗਰੁੱਪ
- ੲ) ਸਹਿਕਾਰੀ
- ਸ) ਪੰਚਾਇਤ
- ਹ) ਕਿਸਾਨ ਉਤਪਾਦਕ ਸੰਗਠਨ
ਬਿਨੈਕਾਰ/ਕਿਸਾਨ ਪੋਰਟਲ ਤੋਂ ਰਜਿਸਟਰਡ ਡੀਲਰਾਂ/ਨਿਰਮਾਤਾਵਾਂ ਅਤੇ ਮਸ਼ੀਨਾਂ ਦੀ ਮਨਜੂਰਸ਼ੁਦਾ ਸੂਚੀ ਵੇਖ ਸਕਦੇ ਹਨ।
ਵਿਅਕਤੀਗਤ ਕਿਸਾਨ ਦੀ ਸ਼੍ਰੇਣੀ ਹੇਠ ਲਿਖੀ ਹੋਵੇਗੀ:-
- ੳ) ਸੀਮਾਂਤ ਕਿਸਾਨ: 2.5 ਏਕੜ ਤੱਕ ਜ਼ਮੀਨ ਦੇ ਮਾਲਕ
- ਅ) ਛੋਟੇ ਕਿਸਾਨ: 2.5 ਤੋਂ 5 ਏਕੜ ਤੱਕ ਜਮੀਨ ਦੀ ਮਾਲਕੀਅਤ
- ੲ) ਵੱਡੇ ਕਿਸਾਨ: 5 ਏਕੜ ਤੋਂ ਵੱਧ ਜ਼ਮੀਨ ਦੇ ਮਾਲਕ
ਬਿਨੈਕਾਰ/ਕਿਸਾਨ ਇਹ ਯਕੀਨੀ ਬਣਾਉਣਗੇ ਕਿ ਵਿਅਕਤੀਗਤ ਨਾਮ, ਅਧਾਰ ਕਾਰਡ ਦੇ ਅਨੁਸਾਰ ਹੋਣ, ਸ਼੍ਰੇਣੀ (ਐਸ.ਸੀ/ਐਸ.ਟੀ/ਜਨਰਲ), ਕਿਸਮ ਦੀ ਸ਼੍ਰੇਣੀ (ਛੋਟੇ/ਸੀਮਾਂਤ/ਵੱਡੇ) ਅਤੇ ਲਿੰਗ (ਮਰਦ/ਇਸਤਰੀ) ਨੂੰ ਸਹੀ ਭਰਿਆ ਜਾਣਾ ਚਾਹੀਦਾ ਹੈ ਨਹੀਂ ਤਾਂ ਤਸਦੀਕ ਦੇ ਸਮੇਂ ਅਰਜ਼ੀ ਰੱਦ ਕੀਤੀ ਜਾਏਗੀ। ਬਿਨੈਕਾਰ/ਕਿਸਾਨ ਦੀ ਜਿੰਮੇਵਾਰੀ ਹੋਵੇਗੀ ਕਿ ਉਹ ਸਬਸਿਡੀ ਲੈਣ ਲਈ ਸਹੀ ਵੇਰਵੇ ਪੇਸ਼ ਕਰੇ।
ਕਿਸਾਨਾਂ ਦੀ ਈ-ਕੇ.ਵਾਈ.ਸੀ ਵੈਰੀਫਿਕੇਸ਼ਨ ਅਧਾਰ ਨੰਬਰ ਦੀ ਵਰਤੋਂ ਕਰਕੇ ਕੀਤੀ ਜਾ ਰਹੀ ਹੈ ਅਤੇ ਰਜਿਸਟਰਡ ਫਾਰਮਰ ਗਰੁੱਪ/ਸਹਿਕਾਰੀ ਸਭਾ/ਪੰਚਾਇਤ/ਕਿਸਾਨ ਉਤਪਾਦਕ ਸੰਗਠਨ (ਰਜਿਟਰਡ) ਅਧਾਰ ਕਾਰਡ, ਪੈਨ ਕਾਰਡ ਦੀ ਵਰਤੋਂ ਕਰ ਰਿਹਾ ਹੈ।
ਬਿਨੈਕਾਰ/ਕਿਸਾਨ ਨੂੰ ਇੱਕ ਵਿਲੱਖਣ ਲੌਗਇਨ ਆਈ.ਡੀ (ਮੋਬਾਇਲ ਨੰਬਰ) ਅਤੇ ਪਾਸਵਰਡ ਮਿਲੇਗਾ। ਕਿਰਪਾ ਕਰਕੇ ਕਿਸੇ ਹੋਰ ਵਿਅਕਤੀ ਨੂੰ ਆਪਣੇ ਇਸ ਪਾਸਵਰਡ ਦਾ ਖੁਲਾਸਾ ਨਾ ਕੀਤਾ ਜਾਵੇ।

ਲੌਗਇਨ ਕਰਨ ਤੋਂ ਬਾਅਦ ਬਿਨੈਕਾਰ ਦੀ ਕਿਸਮ ਦੇ ਅਨੁਸਾਰ ਹੇਠਾਂ ਦਿੱਤੇ ਦਸਤਾਵੇਜ਼ ਲੋੜੀਂਦੇ ਹੋਣਗੇ:-

ਲੜ੍ਹੀ ਨੰ:	ਬਿਨੈਕਾਰ	ਜਾਣਕਾਰੀ ਲੋੜੀਂਦੀ	ਦਸਤਾਵੇਜ਼ਾਂ ਨੂੰ ਅਪਲੋਡ ਕੀਤਾ ਜਾਣਾ ਹੈ।
1	ਵਿਅਕਤੀਗਤ ਕਿਸਾਨ (Individual Farmer)	ਆਧਾਰ ਨੰਬਰ ਦੇ ਵੇਰਵੇ, ਬੈਂਕ ਖਾਤੇ ਦਾ ਵੇਰਵਾ ਸਮੇਤ ਇੱਕ ਚੈੱਕ, ਜਨਰਲ/ਐਸ.ਸੀ /ਐਸ.ਟੀ /ਓ.ਬੀ.ਸੀ ਕਿਸਾਨੀ ਦੀ ਸ਼੍ਰੇਣੀ	ਅਧਾਰ ਕਾਰਡ, ਬੈਂਕ ਖਾਤੇ ਦਾ ਰੱਦ ਕੀਤਾ ਚੈੱਕ, ਐਸ.ਸੀ ਸਰਟੀਫਿਕੇਟ (ਜੇ ਲਾਗੂ ਹੁੰਦਾ ਹੈ), ਬਿਨੈਕਾਰ ਕਿਸਾਨ ਦੀ ਤਸਵੀਰ
2	ਰਜਿਸਟਰਡ ਕਿਸਾਨ ਗਰੁੱਪ/ਸਹਿਕਾਰੀ ਸਭਾ/ਪੰਚਾਇਤ/ਕਿਸਾਨ ਉਤਪਾਦਕ ਸੰਗਠਨ (ਰਜਿਸਟਰਡ)	ਪੈਨ ਨੰਬਰ, ਰਜਿਸਟ੍ਰੇਸ਼ਨ ਸਰਟੀਫਿਕੇਟ, ਪ੍ਰਧਾਨ ਅਤੇ ਕੋਈ ਹੋਰ 2 ਮੈਂਬਰਾਂ ਦਾ ਅਧਾਰ ਵੇਰਵਾ, ਬੈਂਕ ਖਾਤੇ ਦਾ ਵੇਰਵਾ, ਖਾਤਾ ਨੰਬਰ ਬਿਨੈਕਾਰ ਦੇ ਨਾਮ ਚਾਹੀਦਾ (ਖਾਤਾ ਨੰਬਰ, ਆਈ.ਐਫ.ਐਸ.ਸੀ ਕੋਡ, ਬੈਂਕ ਦਾ ਪਤਾ)	ਪੈਨ ਕਾਰਡ, ਰਜਿਸਟ੍ਰੇਸ਼ਨ ਸਰਟੀਫਿਕੇਟ, ਅਧਾਰ ਕਾਰਡ, ਬੈਂਕ ਖਾਤੇ ਦਾ ਰੱਦ ਕੀਤਾ ਚੈੱਕ, ਮੁੱਖੀ ਦੀ ਫੋਟੋ

ਗਲਤ ਜਾਣਕਾਰੀ ਦੇਣ ਤੇ ਸਬਸਿਡੀ ਤੋਂ ਇਨਕਾਰ ਕੀਤਾ ਜਾ ਸਕਦਾ ਹੈ।
ਸਾਰੇ (*) ਸਟਾਰ ਵਾਲੇ ਖੇਤਰਾਂ ਨੂੰ ਭਰਨਾ ਲਾਜਮੀ ਹੈ।
ਅਰਜ਼ੀ ਵਿੱਚ ਭਰਿਆ ਮੋਬਾਇਲ ਨੰਬਰ ਸਹੀ ਅਤੇ ਕੰਮ ਕਰਦਾ ਹੋਵੇ, ਇਹ ਕਿਸਾਨ/ਬਿਨੈਕਾਰ ਲਈ ਇਹ ਨੰਬਰ ਇਸ ਪੋਰਟਲ ਦੀ ਆਈ.ਡੀ ਹੋਵੇਗੀ ਅਤੇ ਇਸ ਨੰਬਰ ਤੇ ਹੀ ਸੰਦੇਸ਼ ਭੇਜੇ ਜਾਣਗੇ।
ਅਰਜ਼ੀ ਵਿੱਚ ਭਰੇ ਬੈਂਕ ਖਾਤੇ ਵਿੱਚ ਸਬਸਿਡੀ ਜਾਰੀ ਕੀਤੀ ਜਾਵੇਗੀ। ਬੈਂਕ ਖਾਤਾ ਬਿਨੈਕਾਰ ਦੇ ਨਾਮ ਤੇ ਹੋਣਾ ਚਾਹੀਦਾ ਹੈ। ਵਿਅਕਤੀਗਤ ਕਿਸਾਨ/ਰਜਿਸਟਰਡ ਕਿਸਾਨ ਸਮੂਹ/ਸਹਿਕਾਰੀ ਸਭਾ/ਪੰਚਾਇਤ/ਕਿਸਾਨ ਉਤਪਾਦਕ ਸੰਗਠਨ (ਰਜਿਸਟਰਡ), ਜੋ ਕੋਈ ਹੋਵੇ। ਰਜਿਸਟਰਡ ਕਿਸਾਨ ਗਰੁੱਪ /ਸਹਿਕਾਰੀ ਸਭਾ/ਪੰਚਾਇਤ/ਕਿਸਾਨ ਉਤਪਾਦਕ ਸੰਗਠਨ ਦੇ ਮਾਮਲੇ ਵਿੱਚ ਕਿਸੇ ਵੀ ਇੱਕ ਵਿਅਕਤੀ ਦੇ ਨਾਮ ਦਾ ਬੈਂਕ ਖਾਤਾ ਸਵੀਕਾਰ ਨਹੀਂ ਕੀਤਾ ਜਾਵੇਗਾ।
ਅਪਲੋਡ ਕਰਨ ਲਈ ਫੋਟੋਆਂ ਅਤੇ ਦਸਤਾਵੇਜ਼ਾਂ ਨੂੰ (jpg/JPEG/PNG) ਸਕੈਨ ਕਰੋ ਤੇ ਇਹਨਾਂ ਦਾ ਸਾਇਜ਼ 1 MB ਤੱਕ ਹੋਵੇ।
ਹਾਟ ਸਪਾਟ ਜ਼ਿਲ੍ਹਿਆਂ ਦੇ ਹਾਟ/ਸਪਾਟ ਪਿੰਡਾਂ ਤੋਂ ਪ੍ਰਾਪਤ ਅਰਜ਼ੀਆਂ ਨੂੰ ਦੂਜਿਆਂ ਨਾਲੋਂ ਪਹਿਲ ਦਿੱਤੀ ਜਾਵੇਗੀ। ਹਾਟ/ਸਪਾਟ ਤੋਂ ਭਾਵ ਜਿਥੇ ਮੁਹੱਈਆ ਕੀਤੀਆਂ ਗਈਆਂ ਮਸ਼ੀਨਾਂ ਦੂਜੇ ਪਿੰਡਾਂ/ਜ਼ਿਲ੍ਹਿਆਂ ਦੇ ਮੁਕਾਬਲੇ ਤੁਲਨਾਤਮਕ ਤੌਰ ਤੇ ਘੱਟ ਹੋਣ।
ਬਿਨੈ ਪੱਤਰਾਂ ਦੀ ਮੁਕੰਮਲ ਛਾਣਬੀਣ ਕੀਤੀ ਜਾਵੇਗੀ। ਵਿਭਾਗ ਵੱਲੋਂ ਫੰਡਾਂ ਦੀ ਉਪਲੱਬਧਤਾ, ਹੋਰ ਵਿਭਾਗੀ ਨਿਯਮਾਂ/ਸ਼ਰਤਾਂ ਦੇ ਅਧਾਰ ਤੇ ਹੀ ਮੰਨਜ਼ੂਰੀ ਦਿੱਤੀ ਜਾਵੇਗੀ।
ਇੱਕ ਤੋਂ ਵੱਧ ਅਰਜ਼ੀ ਨਾ ਦਿਓ।
ਅਧੂਰੀ ਅਰਜ਼ੀ ਸਵੀਕਾਰ/ਪ੍ਰਵਾਨ ਨਹੀਂ ਕੀਤੀ ਜਾਵੇਗੀ।
ਜੇਕਰ ਬਿਨੈਕਾਰ/ਕਿਸਾਨ ਨੇ ਪਹਿਲਾਂ ਇਨ-ਸਿਟੂ ਸੀ.ਆਰ.ਐਮ (CRM) ਸਕੀਮ ਵਿੱਚ ਪਿਛਲੇ ਚਾਰ ਸਾਲਾਂ ਦੌਰਾਨ (2018-19, 2019-20, 2020-21, 2021-22) ਕਿਸੇ ਵੀ ਮਸ਼ੀਨ ਤੇ ਸਬਸਿਡੀ ਲਈ ਹੈ ਤਾਂ ਉਸ ਨੂੰ ਇਸ ਬਾਰੇ ਪੋਰਟਲ ਤੇ ਦੱਸਣਾ ਜ਼ਰੂਰੀ ਹੈ।ਇਸ ਤੱਥ ਦੀ ਪੁਸ਼ਟੀ ਵਿਭਾਗ ਵਲੋਂ ਕੀਤੀ ਜਾਵੇਗੀ ਅਤੇ ਗਲਤ ਜਾਣਕਾਰੀ ਦੇਣ ਤੇ ਸਬਸਿਡੀ ਤੋਂ ਇਨਕਾਰ ਕੀਤਾ ਜਾ ਸਕਦਾ ਹੈ।
ਵਿਅਕਤੀਗਤ ਸ਼੍ਰੇਣੀ ਵਿਚ ਬਿਨੈਕਾਰ, ਸੀ.ਆਰ.ਐਮ (CRM) ਸਕੀਮ ਅਧੀਨ ਦੋ (2) ਮਸ਼ੀਨਾਂ ਲਈ ਅਰਜ਼ੀ ਦੇ ਸਕਦਾ ਹੈ ਅਤੇ ਗਰੁੱਪ ਸ਼੍ਰੇਣੀ ਵਿੱਚ ਘੱਟੋ-ਘੱਟ ਪੰਜ ਲੱਖ ਦੀ ਮਸ਼ੀਨਰੀ ਖਰੀਦਣੀ ਲਾਜ਼ਮੀ ਹੋਵੇਗੀ ।
ਸੀ.ਆਰ.ਐਮ (CRM) ਸਕੀਮ ਵਿੱਚ ਸਬਸਿਡੀ ਦੀਆਂ ਦਰਾਂ ਸਬੰਧੀ ਵੇਰਵਾ ਹੇਠ ਅਨੁਸਾਰ ਹੈ

ਇਨ-ਸਿਟੂ ਸੀ.ਆਰ.ਐਮ (CRM) ਸਕੀਮ

ਲੜੀ	ਕੈਟਾਗਰੀ	ਸਬਸਿਡੀ ਦੀ ਦਰ
1	ਵਿਅਕਤੀਗਤ ਕਿਸਾਨ	ਮਸ਼ੀਨਰੀ ਦੀ ਕੀਮਤ ਦਾ 50% ਜਾਂ ਵਿਭਾਗ ਵਲੋਂ ਨਿਰਧਾਰਿਤ ਸਬਸਿਡੀ ਵਿੱਚੋਂ ਜੋ ਘੱਟ ਹੋਵੇ ਮਿਲੇਗੀ ।
2	ਰਜਿਸਟਰਡ ਕਿਸਾਨ ਗਰੁੱਪ	ਮਸ਼ੀਨਰੀ ਦੀ ਕੀਮਤ ਦਾ 80% ਜਾਂ ਵਿਭਾਗ ਵਲੋਂ ਨਿਰਧਾਰਿਤ ਸਬਸਿਡੀ ਵਿੱਚੋਂ ਜੋ ਘੱਟ ਹੋਵੇ ਮਿਲੇਗੀ ।
3	ਪੰਚਾਇਤ
4	ਸਹਿਕਾਰੀ ਸਭਾਂਵਾਂ
5	ਫਾਰਮਰ ਪ੍ਰੋਡਿਊਸਰ ਆਰਗੇਨਾਈਜ਼ੇਸ਼ਨ

ਬਿਨੈਕਾਰ ਲੋੜ ਮੁਤਾਬਿਕ, ਅਪਲਾਈ ਕਿਤੀ ਮਸ਼ੀਨਰੀ ਨੂੰ ਤਰਜੀਹ ਨੰਬਰ ਦੇਵੇਗਾ। ਸਭ ਤੋਂ ਵੱਧ ਤਰਜੀਹ ਵਾਲੀ ਮਸ਼ੀਨਰੀ ਨੂੰ ਨੰਬਰ 1 ਦੇਣਾ ਹੈ ਅਤੇ ਉਸਤੋਂ ਘਟ ਤਰਜੀਹ ਵਾਲੀ ਨੂੰ 2,3….
ਅਪਲਾਈ ਕਰਨ ਦੀ ਅੰਤਿਮ ਮਿਤੀ ਤੱਕ ਬਿਨੈਕਾਰ ਆਪਣੀ ਅਰਜ਼ੀ ਵਿੱਚ ਕਿਸੇ ਵੀ ਸਮੇਂ ਕੋਈ ਵੀ ਬਦਲਾਅ ਕਰ ਸਕਦਾ ਹੈ ਪਰ ਅੰਤਿਮ ਮਿਤੀ ਤੋਂ ਬਾਅਦ ਕਿਸੇ ਵੀ ਤਰ੍ਹਾਂ ਦਾ ਬਦਲਾਅ ਨਹੀਂ ਕੀਤਾ ਜਾ ਸਕੇਗਾ।
ਮਸ਼ੀਨਰੀ ਦੀ ਉਪਲਭਧਤਾ, ਸਬਸਿਡੀ ਦੀਆਂ ਦਰਾਂ, ਸਕੀਮ ਦੀਆਂ ਸ਼ਰਤਾਂ ਆਦਿ ਵਿਭਾਗ ਵਲੋਂ ਕਿਸੇ ਵੀ ਸਮੇਂ ਬਦਲੀਆਂ ਜਾ ਸਕਦੀਆਂ ਹਨ।
ਬਿਨੈਕਾਰ ਦਾ ਨਾਮ, ਕੈਟਾਗਰੀ, ਮਸ਼ੀਨ ਦੀ ਚੋਣ ਆਦਿ ਜਾਣਕਾਰੀ ਪੋਰਟਲ ਤੇ ਵਿਖਾਈ ਜਾ ਸਕਦੀ ਹੈ।
ਬਿਨੈਕਾਰ ਨੂੰ ਕਿਸੇ ਵੀ ਕਿਸਮ ਦੀ ਤਾਜ਼ਾ ਜਾਣਕਾਰੀ ਲਈ ਪੋਰਟਲ ਚੈੱਕ ਕਰਦੇ ਰਹਿਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਅਰਜੀ ਜਮਾ ਕਰਵਾਓਣ ਨਾਲ ਕੋਈ ਵੀ ਅਰਜੀਕਾਰ ਮਸ਼ਿਨਰੀ ਦੀ ਖਰੀਦ ਤੇ ਸਬਸਿਡੀ ਲੈਣ ਦਾ ਹੱਕਦਾਰ ਨਹੀਂ ਹੋਵੇਗਾ।